فرق تسد

مصرى 1 : انا مش خاين !!!!!

مصرى 2 : انا مش كافر !!!!!!

مصرى 3 : و انا مصرى زيكو بالظبط و بحب البلد ديه !!

.........

مصرى 1 : نسيت ان انتو اللى عملته مشكله الدستور اولا و عايزين تغيروا نتيجه الاستفتاء

مصر2 و 3 "فى نفس الوقت " : و مش انتو اللى ضحكتوا على الناس ووهمتوهم ان الاستفتاء على الدين !!!!

مصرى 1 : و حتى لو انا عملت كده ده يديك سبب انكم تعملوا اللى عملتوه ده نازلين تقولوا لا للاسلام !!!

مصرى 1: و مش انتو اللى رحتو عملتوا مظاهرات عشان السلفين بيضربوكو !!!

مصرى 2 : مييين قالك كده !!!! ما انا مسلم زييى زيك !!!!

مصرى 3 : و انتو مش رحتوا قلتو الحقوا شوفو كاميليا و شوفو مش عارف مييين !!! على ايه ده كله ما كل واحد حرر

مصرى 2 : بس بس كفايه كده احنا كلنا فكرنا فى نفسنا

مصرى 1 : انا مغلطش !!

مصرى 2 : ولا انا غلط

مصرى 3 : امال ميين فينا اللى غلط !!!

مصرى 1 : انتو اللى غلطوا انتو اللى عايزنها علمانيه

مصرى 2 : علمانيه ميين يا حاج صلى على النبى ما كلنا بنصلى جمب بعض انت نسيت لما كنا بنصلى جمب بعض فى الميدان !!!!

مصرى 3 : و انتو نسيتو و انا بحميكوا انا و اخواتى و انتو بتصلوا !! و كمان علمانيه ايه لواحد بيحضر درس فى الكنيسه !!!

مصرى 1 : و انتو نسيتو لما حمتكو انتو الاتنين فى موقعه الجمل

مصرى 2و 3 : لا مش ناسيين بس احنا مش زى ما انتو شايفينا كلنا عايزين بلدنا احسن !

مصرى 1 : و انا كمان مش زى ما انتو شايفينا احنا عايزين نطبق شرع الله

مصرى 2 : و ميين فينا مش عايز يطبق الشريعه ما الشريعه و شرع الله بيدى لكل واحد حريه العقيده و انه واجب علينا نحميه

مصرى 3 : و احنا طوول عمرنا عايشين و الاسلام عمره ما قمعنا ولا حسينا اننا غرب عن البلد ديه !!

مصرى 2 : لما اتفرقتوا عننا و سبتونا لوحدنا بدأوا يا خدوا واحد واحد مننا و لحد ما كلنا هنتسجن فى السجون الحربيه و انتم كل همكم الانتخابات اوعو تكونو فاكرين انهم هيسيبوكوا كده هيرجعوكوا من مكان مطلعوكوا اتعلموا من اللى حصلكوا قبل كده

مصرى 1 : و انتو لما حاولتو تبعدونا عن كل حاجه و قلتوا احنا بس اللى بنفهم كان ده صح انتوا اللى اخدوا جمب و قولتوا احنا الصح

مصرى 3 : احنا كلنا غلط لما سيبنا ايد بعض احنا لما كنا ايد واحده محدش قدر يفرقنا و جبناهم كلهم فى السجن لما سبنا ايد بعض احنا اللى بقينا ندخل السجون

ايد واحده .... ايد واحده .... ايد واحده ........... ايد واحده

تقريبا معروف ميين مصرى 1 و ميين مصرى 2 و ميين مصرى 3 كلنا مصريين مفيش فرق بينا

شباب الثوره غلطوا لما بعدوا عن الشارع و الناس اللى فى البيوت اللى بيقولوا عليهم حزب الكنبه اللى كانوا الدرع اللى بيحمى الشباب

السلفيين غلطوا لما اعتبروا اي حد تانى ضد الدين

لو فضل الوضع على كده و حتى لو مبارك اتحاكم هيطلع من وسطنا 100 مبارك تانى اتقو الله فى مصر و ارجعوا

للشعار الاساسى لينا ايد واده يا مصرييين ايد واحده